Қозоғистонлик блогерлар фискал идоралардан хабарнома олгач, давлатга 75 миллион тенге (151 минг доллардан ортиқ) солиқ тўлади. Бу ҳақда миллий иқтисодиёт вазири ўринбосари Серик Жумангарин маълум қилди.
15 та блогер аллақачон 1,5 миллиард тенге (3 миллион доллардан ортиқ) декларация қилиб, бюджетга 75 миллион тенге тўлаган. Йирик солиқ тўловчилар ва қурилиш компанияларига келсак, буларнинг барчаси Солиқ қўмитасининг қандай ишлашини кўрсатадиган мисоллардир, деди вазир ўринбосари.
Жумангариннинг сўзларига кўра, давлатга қарздор блогерлар рўйхати туширилган сурат сизиб чиқиши орқали Солиқ қўмитаси ўз ишининг айрим жиҳатларини ошкор қилган. Бош вазир ўринбосари худди шундай билдиришномалар йирик бизнес вакилларига ҳам юборилганини айтди.
Қозоғистонда блогерлар солиқ ва ноқонуний реклама учун жарима тўлайди
Қўшни республикада ижтимоий тармоқларнинг машҳур фойдаланувчилари ўз ресурслари, блоглари ва рекламадан олган даромадлари учун солиқ тўлаши керак бўлади. Тегишли қонунни Қозоғистон президенти Қосим-Жўмарт Тўқаев имзолаган.
Уларга бундай рекламаларни мос равишда маркалаш талаб қилинади. Инфлюенсерлар контент учун жавобгар бўлиши ва расмий ҳисобни юритиши талаб қилинади. Ёлғон маълумотларни жойлаштирган онлайн платформа фойдаланувчилари 20 ойлик ҳисоб-китоб кўрсаткичи миқдорида маъмурий жавобгарликка тортилади.
Тадбиркорлик фаолияти билан шуғулланувчи блогерлар учун эса бу 40 ойлик ҳисоб-китоб кўрсаткичида бўлади. Бундан ташқари, онлайн платформалар эгалари қонунга киритилган ўзгартиришларга кўра, солиқ тўлашдан бўйин товлаш ва ёлғон маълумотларга қарши курашда давлат органлари билан ҳамкорлик қилиши керак бўлади.
Изоҳ (0)