Futbol bo‘yicha O‘zbekiston milliy terma jamoasi mart oyida 2026-yilgi Jahon chempionati 3-saralash bosqichi doirasida Qirg‘iz Respublikasi va Eron terma jamoalariga qarshi o‘yin o‘tkazadi. Ushbu uchrashuvlarni boshqarib boruvchi hakamlar maʼlum bo‘ldi.
O‘zbekiston – Qirg‘iz Respublikasi uchrashuvini yaponiyalik Yusuke Araki boshqarib boradi.
Unga qanotlarda hamyurtlari Yun Mihara va Kota Vatanabe yordam beradi. 4-rasmiy hakam sifatida Ryo Tanimoto, VARda esa Yumpeyi Lida ishlaydi.
Shuningdek, Eron – O‘zbekiston uchrashuvi ummonlik hakamlar brigadasiga ishonib topshirilgan.
Bosh hakam – Ahmad Abu Bakar al-Kaf, unga qanotlarda Abu Bakar Al-Amri va Rashid Hamid Al-Gaiti yordam beradi. 4-rasmiy hakam Qosim Matar Al-Hatmi, VAR hakami esa singapurlik Muhammad Taqi bin Jahari.
Ma’lumot uchun, O‘zbekiston milliy jamoasi 6 turdan so‘ng 13 ochko jamg‘arib, turnir jadvalida ikkinchi o‘rinni egallab turibdi. 16 ochko jamg‘argan Eron — yetakchi.
Izoh (0)