Ўзбекистонлик MMA жангчиси Богдан Гусков (14-2) фаолиятини UFC’да давом эттиради.
Қатор манбаларнинг хабар беришича, 30 ёшли яккакурашчи UFC билан шартнома имзолаган.
Гусков профессионал MMA’даги ғалабаларининг барчасини муддатидан аввал қўлга киритган — 12 та нокаут, 2 та сабмишен. У сўнгги бор 2020 йилда мағлубиятга учраган ва шундан бери тўртта ғалабадан иборат серия қайд этмоқда.
Гусков UFC’да жанг қиладиган олтинчи ўзбекистонлик бўлади. Бунгача лигада Ўзбекистон номидан Маҳмуд Муродов, Заррух Адашев, Лилия Шокирова, Саидёқуб Қаҳрамонов ва Нурсултон Рўзибоев жанг қилишга улгурганди.
Изоҳ (0)