Bugun buyuk mutafakkir shoir Alisher Navoiy tavalludining 584 yilligi munosabati bilan Navoiy shahridagi madaniyat va istirohat bog‘ida Alisher Navoiy haykali poyiga gul qo‘yilib, hurmat bajo keltirildi.
Unda viloyat hokimi va mas’ullar, simpoziumga tashrif buyurgan xorijiy mehmonlar hamda respublikada faoliyat olib borayotgan adabiyot, ilm-fan va san’at ahli ishtirok etdi.
-FhzhZKw0.jpg)
-W8On21O6.jpg)
Navoiy viloyatida “Alisher Navoiy va Sharq renessansi” an’anaviy xalqaro simpoziumi o‘z ishini davom ettiryapti. Tadbirlar shahardagi “Farhod” madaniyat saroyida poytaxtlik hamda mahalliy san’atkorlar, shoir va olimlar ishtirokidagi “Nazm va navo” musiqali kechasi bilan davom etdi.
Viloyat hokimi Normat Tursunov “Alisher Navoiy va Sharq renessansi” xalqaro simpoziumi har yili Navoiy viloyatida o‘tkazish taklifi bilan chiqdi.
Shuning bilan 8—9-fevral kuni Navoiy viloyati mezbonlik qilgan “Alisher Navoiy va Sharq renessansi” simpoziumi o‘z ishini yakunladi.
Xorijiy davlatlarda ham Alisher Navoiy tavalludi 584 yilligi munosabati bilan uning haykali poyiga gullar qo‘yildi.
Xususan, Ashxobod shahridagi Maxtumquli Firog‘iy nomidagi madaniyat va istirohat bog‘i majmuasida o‘rnatilgan Alisher Navoiy haykali poyiga gul qo‘yish marosimida Turkmaniston davlat, madaniy va jamoat tashkilotlari vakillari, xorijiy diplomatik korpus rahbarlari va xodimlari ishtirok etdi. Yaponiya poytaxti Tokioning Soka universiteti hududida joylashgan Alisher Navoiy haykali poyiga ham gul qo‘yilib, xotirasiga hurmat bajo keltirildi.
Hozirda Tokio, Seul, Shanxay, Vashington, Moskva, Minsk, Ostona, Boku, Anqara, Ashxobod, Dushanbe, O‘sh, Lakitelek kabi shaharlarda Navoiyga bag‘ishlab monumental sanʼat yodgorligi o‘rnatilgan.
Izoh (0)