Ўзбекистонлик дзюдочи, Париж-2024 Олимпиадаси ғолиби Диёра Келдиёрова Халқаро дзюдо федерацияси (IJF) томонидан йил воқелиги соврини билан тақдирланди.
-RzA4GZgi.jpg)
Ўзбекистонлик спортчига Париж—2024 Олимпиадасида япониялик таниқли дзюдочи Ута Абе устидан қозонилган ғалаба учун тақдим этилди. Германиялик мутахассис Марко Спиттка эса йилнинг энг яхши аёллар терма жамоаси мураббийи совринини қабул қилиб олди. У Ўзбекистон аёллар терма жамоаси мураббийи ҳисобланади.
Маълумот учун, Диёра Келдиёрова Ўзбекистон тарихида биринчи бўлиб ёзги Олимпия ўйинларида олтин медални қўлга киритган аёл спортчи ҳисобланади.
Аввалроқ Диёра Келдиёрова Ижтимоий ҳимоя миллий агентлигининг гендер тенгсизлиги ва болаларга нисбатан зўравонликка қарши курашиш бўйича махсус вакили этиб тайинланган эди.
Изоҳ (0)