Ла Лига. “Барселона” Фермин Лопеснинг дубли эвазига “Алмерия”ни мағлуб этди

Футбол бўйича Испания Ла Лигасининг 36-турида “Барселона” 16 май, пайшанба куни “Алмерия” меҳмони бўлди.

Учрашувнинг 14-дақиқасида Фермин Лопес ҳисобни очди. Бўлим каталонияликларнинг кичик устунлиги билан якунланди.

Иккинчи бўлимда ҳам хавфли ҳужумларни уюштирган “кўк-анорранглилар” яна бир бор дарвозани ишғол қилишга муваффақ бўлди. 67-дақиқада Fermiн дублни расмийлаштирди.

Ушбу икки гол “Барселона”га ишончли ғалабани тақдим этди.

Ла Лига

36-тур

16 май, пайшанба

“Алмерия” — “Барселона” 0:2

Голлар: 0:1 – 14 Лопес, 0:2 – 67 Лопес.

“Алмерия”: Луиш Машимиану, Пубил (Посо, 81), Монтес, Чуми, Ланга, Виэра (Мелеро, 68), Робертоне, Пеня, Эмбарба (Сентелес, 80), Лосано (Суарес, 59), Баптистао (Ромеро, 59).

“Барселона”: тер Стеген, Кунде, Мартинес, Кубарси, Форт (Жоау Канселу, 73), Сержи Роберто (Кристенсен, 69), Педри (Ромеу, 83), Лопес, Ферран Торрес (Роке, 73), Ямал, Левандовски (Жоау Феликс, 69).

Огоҳлантириш: Роке (85).