10 та ҳаёт сақлаб қолинди: UZCARD 20 йиллиги лойиҳалари доирасида юрак нуқсони бўлган болаларнинг операцияларининг тўловларини амалга оширди

UZCARD компанияси ўзининг 20 йиллик юбилейини нишонлаш муносабати билан Akfa Medline тиббиёт маркази билан ҳамкорликда ноёб хайрия ташаббусини амалга оширди. Ушбу ташаббус доирасида кам таъминланган оилалардан бўлган 10 нафар болага жарроҳлик амалиёти ўтказилди. Улар орасида турли хил юрак касалликлари, шу жумладан оғир нуқсонлари бўлган болалар ҳам бор эди.

 Akfa Medline тиббиёт марказининг юқори малакали жарроҳлари барча операцияларни муваффақиятли амалга оширдилар. Мутахассисларнинг маҳорати ва замонавий асбоб-ускуналар туфайли болалар соғайиш ва тўлақонли ҳаёт кечириш имкониятига эга бўлдилар.

Ҳаётдан муҳимроқ ҳеч нарса йўқ, айниқса гап болалар ҳаёти ҳақида кетганда. Кимнингдир ҳаётини яхшилаганимиз ва қийинчиликларга дуч келган оилаларга умид бера олганлигимиздан хурсандмиз. Ушбу ташаббус - жамиятнинг шунча йиллар давомида биз билан бирга бўлгани учун миннатдорчилигимизни билдириш усулидир.

Имконияти чекланган болаларга ёрдам кўрсатиш ва уларни қўллаб-қувватлаш UZCARDнинг асосий қадриятларидан бири ҳисобланади. Биз ҳар бир бола тўлиқ ҳаёт кечириш ва зарур тиббий ёрдам олиш имкониятига эга бўлишга муносиб эканлигига ишонч билдирамиз.

Бу ташаббус UZCARD компаниясининг 20 йиллик юбилейига бағишланган ижтимоий дастурнинг бир қисми ҳисобланади. UZCARD йиллар давомида нафақат инновацион молиявий технологияларни ривожлантириб келган, балки фуқароларнинг ҳаёт сифатини оширишга қаратилган ижтимоий лойиҳаларни ҳам фаол қўллаб-қувватлаб келмоқда.

UZCARD - Ўзбекистоннинг етакчи миллий тўлов тизими бўлиб, компаниянинг асосий мақсади миллий тўлов бизнеси соҳасидаги маҳсулотларни доимий равишда излаш, ишлаб чиқиш ва такомиллаштириш, замонавий хизмат кўрсатиш тизимларини модернизация қилиш ҳамда финтех саноати доирасидаги хизматларни кенгайтиришдан иборат.

Сайт: uzcard.uz
Facebook: fb.com/uzcard
Instagram: @uzcard.uz
Telegram: t.me/uzcard

Реклама ҳуқуқи асосида.