Муборак Рамазон ойида «Сен Яшайсан!» хайрия акцияси доирасида Akfa Group компанияси Artel ва Akfa Medline компаниялари билан биргаликда, оғир туғма юрак нуқсони билан оғриган, 15 ёшгача бўлган 40 нафар болани операция қилиш ташаббуси билан чиқди.
Анъанага кўра, тўрт йилдан буён Akfa Medline клиникаси барча муҳтожларга ёрдам қўлини чўзиб, кам таъминланган оилалар учун хайрия ёрдамларини ташкил этиб келмоқда.
Статистик маълумотларга кўра, ҳар янги туғилган 100 чақалоқдан бири туғма юрак нуқсонлари билан туғилади. Туғма юрак касаллиги беморларда ҳаётий орган тузилишида анатомик нуқсонлар мавжуд бўлган касалликлар гуруҳидир.
Маълумки, бутун дунёда ушбу касаллик 1 ёшгача бўлган болалар ўлимининг энг катта тарқалган сабабларидан бири ҳисобланади. Шуни инобатга олган ҳолда, Akfa Group компанияси Akfa Medline ва Artel компаниялари билан биргаликда туғма юрак нуқсонлари билан оғриган болаларга ёрдам бериш истагини билдирди:
«Akfa Group ижтимоий масъулиятга эга компания сифатида болалардаги туғма юрак нуқсонлари мавзусини эътибордан четда қолдира олмади. Биз улар учун энг бахтли воқеалардан бири — фарзанд кўриш билан биргаликда, унинг жиддий касаллиги сабабли қийин вазиятга тушиб қолган оилалар борлигидан хабардормиз. Шу боис, муборак Рамазон ойида туғма юрак хасталиги билан оғриган кичик беморларга шифо топиш имкониятини беришга қарор қилдик. ‘Сен Яшайсан!’ хайрия акциясида Ўзбекистоннинг барча вилоятларидаги оилалар иштирок этиши мумкин. Бунда туғма юрак нуқсони бўлган болалар кўрикдан ўтказилади, шундан сўнг кардиожарроҳлар Akfa Medline’да операция санаси ва вақтини белгилайдилар», — дейди холдинг бош директори Камрон Ғуломов.
Мутахассисларнинг маълумотларига кўра, мамлакатимизда ҳар йили 7—8 минг нафар туғма юрак ҳасталиги билан касалланган болалар дунёга келади. Улардан 5000 га яқини жарроҳлик хизматига муҳтож бўлиб, мамлакат бўйлаб йилига 2000—3000 нафар болалар операция қилинади.
«Ўзбекистонда ҳар бир кардиожарроҳ ҳам юрак-қон томир касалликлари билан оғриган янги туғилган чақалоқларни операция қилишни ўз зиммасига олмайди. Катта томирларнинг транспозицияси, чап бўлимларнинг гипопластик синдроми, ўпка томирларининг умумий аномал дренажи (уланиш), аорта ёйининг узилиши ва бошқалар каби танқидий нуқсонлар мавжуд. Уларнинг барчаси шошилинч юрак операциясини талаб қилади. Биз Akfa Medline компаниясида 4 йил давомида изоляция қилинган оддий нуқсонлари ва ҳам комбинацияланган (мураккаб) патологиялари бўлган, юрак-қон томир касалликлари билан оғриган болалар учун деярли барча турдаги операцияларни бажариб келмоқдамиз. Биз эндоваскуляр жарроҳлик билан ҳам шуғулланамиз. Бу кесиксиз операциялар», — дейди Akfa Medline болалар кардиожарроҳлиги бўлими мудири Жамшид Пирназаров.
Кардиожарроҳлар амалиёти шуни кўрсатадики, юрак-қон томир касалликлари билан оғриган болаларда операцияларнинг 99 фоизи муваффақиятли ўтади. Операциядан кейин улар оддий болалардан фарқ қилмай фаол, тўлақонли ҳаёт кечиради. Шифокорлар операция қилинганларнинг атиги 1 фоизида жисмоний фаолиятга чекловлар белгилайди.
«Бизнинг клиникада турли касалликларнинг замонавий даволаш усуллари қўлланилади, туғма юрак касалликларини даволаш ҳам бундан мустасно эмас. Анъанага кўра, операциялар очиқ усулда амалга оширилади, аммо биз эндоваскуляр даволашни ҳам фаол равишда қўллаймиз — қоринча септал нуқсонини кесмаларсиз ёпишни амалга оширамиз. Бундай операциядан сўнг беморлар эртаси куни уйига кетишлари мумкин. Аммо очиқ усул билан бўлса, операция қилинган кун интенсив терапияда, кейин яна 5—6 кун шифокорлар назорати остида бўлимда ўтказилади. ‘Сен Яшайсан!’ акцияси доирасида биз асосан эндоваскуляр операцияларга эътибор қаратамиз», — дейди Akfa Medline кардиожарроҳи Асқар Собиров.
Клиника мутахассислари болалар юрагига шифо бериш билан болаларга бахтли келажак қуриш, ота-оналарга умид ва ҳаёт мазмунини қайтариш имконини бермоқда.
Туғма юрак нуқсони бўлган болалар хайрия акциясида иштирок этиши учун қуйидаги телефон рақамлар орқали мурожаат қилишингиз мумкин: 1141 ёки +99871 203 30 03.
Манзил: Олмазор тумани, Кичик ҳалқа йўли, 5А
«Беруний» метро бекати
Реклама ҳуқуқи асосида.
Изоҳ (0)