Аҳмедов ва «Шанхай СИПГ» Япония клубини ҳам мағлуб этди. Одил голли узатма берди

Ўзбекистон миллий терма жамоаси сардори Одил Аҳмедов тўп сурадиган Хитойнинг «Шанхай СИПГ» клуби ғалабали юришини давом эттирди.

Осиё Чемпионлар лигаси гуруҳ босқичининг дастлабки икки турида «Шанхай СИПГ» ва Япониянинг «Урава Ред» клублари 6 тадан очко жамғариб турганди. 15 март куни кунчиқар юрт жамоаси Шанхайга ташриф буюрди.

Беллашувда Андре Виллаш-Боаш Оскар, Халк, Элкесен ва Одил Аҳмедов каби легионерларни майдонга туширди. Ҳисоб 53-дақиқага келиб йирик кўриниш олди. Элкесен ва Халк 1 тадан гол урган бўлса, Аҳмедов голли узатмани амалга оширди.

Ўйин якунига қадар японияликлар иккита гол уриб, ҳисобни қисқартиришга эришди. Бироқ дуранг натижага эришиш уларга насиб қилмади.

Шу тариқа «Шанхай СИПГ» 3-турдан кейин гуруҳнинг яққол пешқадами бўлиб ўлди. Ўзбекистоннинг икки клуби ўз гуруҳида сўнгги ўринни эгаллаб турган бўлса, ўзбекистонлик футболчи Одил Аҳмедов гуруҳдан чиқиш вазифасини анчагина уддалаб қўйди.

Осиё Чемпионлар лигаси «F» гуруҳи. 3-тур 15 март, чоршанба

«Шанхай СИПГ» (Хитой) — «Урава Ред» (Япония) 3:2