Yarim professional “Barton Town” futbol klubi darvozaboni Jeyms Hichkok vokzalda sodir bo‘lgan hujumdan so‘ng halok bo‘ldi. Bu haqda ingliz jamoasining matbuot xizmati xabar berdi.
Hichkok York shahridagi temir yo‘l stansiyasida yuz bergan hodisadan keyin boshidan olgan jarohatlari tufayli kasalxonada vafot etdi. Angliya politsiyasi 22 yoshli gumondor Makkensi Dichikkoni qo‘lga olgani haqida ma’lum qildi. U janjal chiqarish va qotillikda ayblamoqda.
Hichkok mavsum boshida “Barton Town” safiga qo‘shilgan edi. Marhumdan rafiqasi va o‘g‘li qoldi.
Ma’lumot uchun, dekabr oyining boshida “Fiorentina” va “Inter” jamoalari o‘rtasidagi A Seriyaning 14-tur uchrashuvi fojia bilan yakunlanishi mumkin edi. 16-daqiqada “Fiorentina” yarim himoyachisi Eduardo Bove maydonda yiqilib tushdi. Keyinchalik uning yuragi to‘xtagani va epileptik tutqanoqdan aziyat chekkanligi aniqlandi. Hozirda Bove reabilitatsiya kursini o‘tamoqda.
Izoh (0)