Россиялик тадбиркор Алишер Усмонов Халқаро қиличбозлик федерацияси (FIE) президенти этиб сайланди. Украина қиличбозлик федерацияси бунга муносабат билдирди.
“Украина Қиличбозлик федерацияси (УҚФ) ва бутун қиличбозлик жамоатчилиги Алишер Усмонов FIE президенти этиб сайланиши қароридан ҳайратда”, дейилади муносабатда.
Таъкидланишича, тайинлов учун Усмоновнинг ватани бўлган Ўзбекистон тайинланиши, FIE раҳбарияти томонидан Усмоновнинг 100 дан ортиқ миллий федерациялар томонидан қўллаб-қувватланиши ҳақидаги хатлари “олдиндан ёзилган сценарий” ҳақида гувоҳлик берди.
УҚФ барча ноқонуний ва ахлоққа зид ҳаракатларга нисбатан нафақат норозилик билдиради, балки ҳуқуқий доирада жавоб беради ва бундай ёндашувни давом эттиради. Айнан шундай ҳаракатлар туфайли спортчиларимиз Олимпиадада қатнашиш ҳуқуқини қўлга киритди, россияликлар эса ундан четлатилди. Украина Қиличбозлик федерацияси ҳақиқат, адолат ва ҳар бир украиналик қиличбоз учун курашишни давом эттиради, дейилади баёнотда.
Алишер Усмонов FIE президенти бўлди
Усмонов 2008 йилдан буён FIEни бошқариб келаётганди. 2022 йил март ойида у Европа Иттифоқи томонидан унга қарши киритилган санкциялар туфайли ўз ваколатларини тўхтатганди. FIE раҳбари сайлови 30 ноябрь куни ташкилотнинг Тошкентдаги конгрессида бўлиб ўтди. Усмоновнинг рақиби Швеция қиличбозлик федерацияси президенти Отто Дракенберг бўлди. Усмонов 120 та, Дракенберг 26 та овозни қўлга киритди.
Изоҳ (0)