Ўзбекистонда 14 ноябрда қандай об-ҳаво кутилаётгани маълум қилинди

“Ўзгидромет” 14 ноябрь, пайшанба куни учун об-ҳаво прогнозини эълон қилди.

Об-ҳаво Тошкент шаҳрида:

Об-ҳаво бир оз булутли бўлади, ёғингарчилик кутилмайди. Кечаси ва эрталаб туман тушиши мумкин. Шамол шарқдан 3-8 метр/секунд тезликда эсади.

Ҳарорат кечаси 1 даража совуқ-1 даража илиқ, кундузи 6-8 даража илиқ бўлади.

Об-ҳаво Қорақалпоғистон Республикаси, Хоразм вилоятида:

Об-ҳаво бир оз булутли бўлади, ёғингарчилик кутилмайди. Баъзи жойларга туман тушиши мумкин. Шамол шарқдан 7-12 метр/секунд тезликда эсади.

Ҳарорат кечаси 1-6 даража совуқ, Устюртда 7-9 даражагача совуқ, кундузи 3-8 даража илиқ бўлади.

Об-ҳаво Бухоро ва Навоий вилоятларида:

Ҳарорат кечаси 0-5 даража совуқ, кундузи 5-10 даража илиқ бўлади.

Об-ҳаво Тошкент, Сирдарё, Жиззах ва Самарқанд вилоятларида:

Ҳарорат кечаси 2 даража совуқ-3 даража илиқ, кундузи 5-10 даража илиқ бўлади.

Об-ҳаво Қашқадарё ва Сурхондарё вилоятларида:

Ҳарорат кечаси 0-5 даража илиқ, кундузи 8-13 даража илиқ бўлади.

Об-ҳаво Андижон, Наманган ва Фарғона вилоятларида:

Об-ҳаво бир оз булутли бўлади, кечаси ва эрталаб баъзи жойларда бир оз ёмғир ёғади. Баъзи жойларга туман тушиши мумкин. Шамол шарқдан 7-12 метр/секунд тезликда эсади.

Ҳарорат кечаси 0-5 даража илиқ, кундузи 5-10 даража илиқ бўлади.

Об-ҳаво республиканинг тоғли ҳудудларида:

Об-ҳаво бир оз булутли бўлади, вақти-вақти билан ёғингарчилик (ёмғир, қор) бўлади. Баъзи жойларга туман тушиши мумкин Шамол ғарбдан 7-12 метр/секунд тезликда эсади.

Ҳарорат кечаси 3-8 даража совуқ, кундузи 3 даража совуқ-2 даража илиқ бўлади.

Ўзбекистон ҳудудига 13 ноябрь куни нам ва совуқ ҳаво массалари кириб келди. Ҳарорат яна пасайиши прогноз қилинганди.