Қирғизистонда банкларга сомда амалга ошириладиган онлайн ўтказмалар учун фуқаролардан комиссия ундириш тақиқланади. Миллий банк тегишли қарорни қабул қилди.
Ушбу чора-тадбирлар аҳолининг барча қатламлари учун банк хизматларидан фойдаланиш имкониятини таъминлаш ва банк соҳасига рақамли технологияларни жорий этиш жараёнини тезлаштиришга ёрдам бериши кутилмоқда. Қарор 2024 йил 25 ноябрдан кучга киради ва 2025 йил 31 декабрга қадар амал қилади.
Қарорга кўра, чеклов мобил иловалар ва интернет-банкинг орқали амалга ошириладиган операцияларга тааллуқлидир. Қарорнинг бажарилишини назорат қилиш Миллий банк бошқаруви аъзосига юкланган.
Изоҳ (0)