«Ипак йўли» АИТБ бошқармаси бош маслаҳатчиси жаноб Хьюго Миндерхауд Ўзбекистонда 22 йилдан буён истиқомат қилади ва ўзини анчадан буён бу ерда «сувдаги балиқ»дек ҳис қилади — рус тилида бемалол сўзлаша олади, ўз оиласини, дўстларини ва миллий ошхонани яхши кўради, иккинчи ватани иқтисодиётининг ривожланиши йўлида фаол ҳамда мақсадли ҳаракат қилиб келмоқда.
Хюго Миндерхауд «Дарё» нашрига интервью берди.
«Дарё»: Жаноб Миндерхауд, илтимос, Ўзбекистонга қандай қилиб келиб қолганингиз тарихини сўзлаб берсангиз.
Хьюго Миндерхауд: Мен Ўзбекистонга бундан 22 йил олдин, 1995 йилда келган эдим. Келишимдан мақсад Нидерландияни ABN AMRO банкининг Тошкентда шуъба корхонасини яратиш эди.
Мен ABN AMRO Bank O‘zbekiston MB, H. J. банкида 11 йил ишладим ва 2006 йилда менга Амстердамга қайтиш таклифини билдиришди. Мен буни хоҳламасдим! (кулади) Мен шу ерда қолиб, мустақил иқтисодчи консультант сифатида ишлаб кўришга қарор қилдим. 2006 йилдан 2010 йилга қадар Ўзбекистонда ва МДҲнинг бошқа мамлакатларида, Қозоғистон ва Афғонистонда кўплаб лойиҳалар устида иш олиб бордим; Арманистон, Қирғизистон ва бошқа давлатларнинг мустақил банклари директори лавозимида фаолият юритдим.
2010 йилда мақсади Осиё тараққиёт банки сармоясини жалб этиш бўлган «Ипак йўли» банки бошқармасининг бош маслаҳатчиси лавозимида иш бошладим; мен гўёки Ғарб ва Шарқ орасида «кўприк» вазифасини бажардим. Бу менинг банкка келгунимдан анча олдин бошлаган узоқ жараён эди. Мақсадга 2013 йилда эришилди. Ҳозирда менинг фаолиятимни асосий қисми «Ипак йўли» банкининг халқаро молиявий институтлар билан муносабатларни ривожлантиришга қаратилган.
«Дарё»: Сизнинг бизни мамлакатимизга ташрифингиз даврида Ўзбекистонда қандай ўзгаришлар амалга оширилди?
Хьюго Миндерхауд: Айтиш мумкин-ки, 1995 йилда Ўзбекистонга келганимда мамлакат биринчи бор дунёга «очилган» эди. Бу жуда ажойиб ва қизиқарли вақтлар бўлиб, янги компаниялар ҳамда сармоядорлар учун қулай шароитлар яратила бошланган эди. Бугунги кунда мамлакат иқтисодиётининг ривожи йўлида «иккинчи нафас» очилганидан хурсандман.
Ўзгаришлар жуда катта! Масалан, мен биринчи бор бу ерга келганимда икки ҳафта «Ўзбекистон» меҳмонхонасида яшаганман… Бунга сабаб — бошқа меҳмонхоналар деярли йўқ эди (кулади). Ҳозирда эса Тошкентдаги меҳмонхоналарни қаранг! Бу каби ўсишни барча соҳаларда кузатиш мумкин!
«Дарё»: «Ипак йўли» АИТБ тарихида рўй берган аҳамиятли ҳодисалардан бири — 2013 йилда Осиё тараққиёт банкининг акциядорлари таркибига қўшилиши. Фикрингизча, бу давр мобайнида банкда яна қандай кўзга кўринарли ўзгаришлар содир бўлди?
Хьюго Миндерхауд: «Ипак йўли» банки доимо яхши обрўга эга бўлган, бироқ ОТБнинг акциядорлар қаторига қўшилиши банк тарихидаги салмоқли ҳодиса ҳисобланади! Осиё тараққиёт банки барқарорлик ва ишонч гарови. «Ипак йўли» банки билан ҳамкорликка қизиқиш билдирган халқаро молиявий институтлар билан муносабатлар сезиларли даражада ўсди. Банк учун янги имкониятлар ва истиқболлар очилди. 2016 йилда банкка Нидерландия тараққиёт банки FMO, Германия тараққиёт ва инвестиция банки DEG ҳамда Нидерландиянинг Triodos Bank N.V. томонидан биринчи бор синдициялашган кредитлар ажратилди, янги лойиҳаларни амалга ошириш йўлида йирик банклар ва молиявий институтлар билан музокаралар олиб борилди. Эндиликда кўплаб халқаро молиявий институтлар Ўзбекистондаги «Ипак йўли» банки билан ҳамкорлик қилишни хоҳламоқда.
«Дарё»: «Ипак йўли» АИТБ инновацион банк ҳисобланади. У банк соҳасига қандай инновацияларни олиб кирди?
Хьюго Миндерхауд: «Ипак йўли» банки ростдан ҳам инновацион ҳисобланади, айниқса, IT-технологияларда. Биз биринчи бор Ўзбекистон бозорида UnionPay International карталарини жорий этдик, Visa International карталарига хизмат кўрсатган биринчи банклар қаторида турдик, шунингдек, Ўзбекистондаги ушбу халқаро тўлов тизимларининг асосий аъзолари ва процессинг марказларимиз. Янги карта маҳсулотларини чиқаришни давом эттирмоқдамиз. «Ипак йўли» банки PayWave, 3D-Secure ва бошқа шу каби барча замонавий технологияларга эга ва ҳозирча республикадаги ягона ҳисобланади. Бундан ташқари, «Ипак йўли» банки ўз мижозларига шахсий кабинетдан фойдаланган ҳолда тўлиқ онлайн хизматлар пакетини бошқариш ва Ipak Yuli Mobile мобил дастурини тақдим этди. Айтганча, банкнинг яна бир инновацияларидан бири — бу менман! (кулади) Ўйлашимча, мен тижорат банкининг биринчи хорижлик консултантиман, 2010 йилда бу каби консультант фақатгина «Ипак йўли» банкида мавжуд эди.
«Дарё»: Яқин беш йил ичида «Ипак йўли» АИТБнинг қандай истиқболли келажак кутмоқда?
Хьюго Миндерхауд: Бизнинг режаларимиз бисёр! Асосий эътиборни банкнинг чакана бизнесини ривожлантиришга қаратмоқчимиз. Қишлоқ хўжалиги соҳасининг янги тармоқларини яратиш устида ишлар олиб борилмоқда, ГРЖ ва ЕТТБ билан муқобил энергия борасидаги лойиҳаларни ривожлантириш бўйича музокаралар кетмоқда. Бу Ўзбекистон учун муҳим йўналиш. Шунингдек, мамлакатнинг ривожланишида муҳим ҳисобланувчи микроиқтисодиётни ўстириш ҳамда Осиё тараққиёт банки лойиҳаларида иштирок этиш учун кўплаб режаларни мақсад қилиб қўйганмиз. Шундай экан, ҳали олдинда амалга оширишимиз лозим бўлган ишлар жуда кўп!
«Дарё»: Яқинлашиб келаётган Ўзбекистон Республикаси Конституцияси куни муносабати билан «Ипак йўли» АИТБнинг мижозлари ва ҳамкорларига қандай тилакларни йўллайсиз?
Хьюго Миндерхауд: Бу улкан байрам! Шу сабабли мен ҳамкорларимизга, банк мижозларига ва Ўзбекистоннинг барча аҳолисига биринчи навбатда — соғлик, омад ва фаровон ҳаёт тилаб қоламан! Тез кунларда янги йил кириб келади, шу сабабли (ўзбек тилида) «Янги йилингиз билан!».
Реклама ҳуқуқи асосида.
Изоҳ (0)