Американинг Лос-Анжелес клуби “Ювентус” ярим ҳимоячиси Пол Погбага қизиқиш билдирмоқда, дея хабар берди инсайдер Николо Скира ўзининг ижтимоий тармоқларида.
Аввалроқ 31 ёшли франциялик футболчи Италия клуби билан шартномани бекор қилиш борасида келишиб олиши ва эркин агентга айланиши ҳақида маълумотлар пайдо бўлганди.
Ўтган йилнинг август ойида Погба допинг-тестдан ижобий ўтди. 29 февраль куни антидопинг маҳкамаси ярим ҳимоячини 4 йилга дисквалификация қилиш қарорини тасдиқлаганди. Суд Погбанинг четлатилиши ҳақида қарорни эълон қилгач, спортчи шикоят аризасини киритди. Спорт арбитраж суди (CAS) дисквалификация муддатини 18 ойгача қисқартиришга қарор қилди.
Маълумот учун, Погба Франция терма жамоаси билан Жаҳон чемпиони бўлган. Европа чемпионатида терма билан кумуш медалига эга чиққан. Футболчи Англиянинг “Манчестер Юнайтед” жамоаси сафида ҳам фаолият юритган.
Изоҳ (0)