Тошкент вилоятининг Пискент ҳамда Оҳангарон туманларида ҳайдовчилик гувоҳномаларини олиб беришни ваъда қилган шахслар ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, Пискент туманида фуқаро Х.А. фуқаро М.М.га гўёки юқори лавозимда ишловчи танишлари орқали ҳайдовчилик гувоҳномасини олиб бериши эвазига 1 000 долларни олган вақтида ашёвий далиллар билан ушланган.
Шунингдек, Оҳангарон туманида икки нафар фуқарога И.У. ва А.П. фуқаролар ҳайдовчилик гувоҳномаларини олиб бериши эвазига 1 000 доллар ва 20 млн сўмни олган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.
Изоҳ (0)