“Ан-Насср” ҳужумчиси Криштиану Роналду Ар-Риёд шаҳрида бўлиб ўтган бокс оқшомига ташриф буюрди.
Ушбу бокс оқшомининг асосий жанги Энтони Жошуа ва Отто Валлин ўртасида кечди. Жошуа 5-раунддан сўнг техник нокаут эвазига Валлинни мағлуб этди.
Португалиялик футболчи UFC юлдузи Конор Макгрегор ва яна бир қанча бокс афсоналари олдидан жой олди. Промоутер Фрэнк Уоррен Роналду билан суҳбатлашиш имкониятини қўлдан бой бермади.
71 ёшли англиялик Уоррен “Манчестер Юнайтед” собиқ футболчиси “Арсенал” билан шартнома имзолаши кераклиги борасида ҳазиллашди.
“У “Арсенал” билан шартнома имзоламоқда!”, — деди Фрэнк телекамералар унинг қаршисига борганда. Криштиану эса бунга жавобан кулиб қўйди.
Эслатиб ўтамиз, Роналду 2003 йилдан 2009 йилгача, 2021 йилдан 2022 йилга қадар “Манчестер Юнайтед” шарафини ҳимоя қилган.
Изоҳ (0)