Тошкент шаҳрида 2-синфда ўқийдиган қизини 8,7 минг долларга сотган аёл ва унинг шеригига суд ҳукм ўқилди.
Келтирилишича, Тошкентдан келган аёл беш нафар фарзанднинг онасини қистовга олган. Сўнг бир оила бузилиб кетмаслиги важи билан қизини олиб она пойтахтга “мижоз”ларининг шароитини кўриш учун борган. Воситачиликни эса унинг қўшниси қилган. Келишув бўйича мижоз тарафдаги аёл 10 миллион сўм, қўшни эса 6,5 миллион сўм олиши керак бўлган. Қизалоқ учун бериладиган умумий пул миқдори 8 минг 700 доллар бўлган.
Тезкор тадбир натижасида жиноятчилар ашёвий далиллар билан воқеа жойида ушланган.
“Беш нафар фарзандим бор, 4 нафари вояга етмаган. Қўшним жияннинг фарзанди йўқ экан, анчадан бери фарзанд борасида қийналаётган экан, деди. Биринчи йўқ, дедим. Телефон қилаверганидан кейин жияни билан гаплашмоқчиман, дедим. Ўртада оила бузилиб кетмасин, дедим. Фарзандимни бермоқчи эмасдим. Тошкентга никоҳ гувоҳномаси борми, уй-жойи қанақа шуни билгани келган эдим”, дейди аёл.
Ўртада воситачи бўлган аёл эса буни савоб учун қилганини айтган.
Суд ҳукми билан она ва қўшни аёл 8 йилга озодликдан маҳрум қилиш жазоси тайинланди. Тайинланган жазо Жиноят кодексининг 72-моддасига асосан шартли ҳисобланиб, уч йил синов муддати белгиланди. Агар аёллар белгиланган муддатда яна жиноятга қўл урса, энг камида 8 йилга қамалади.
Бундан аввал Сурхондарё вилояти Ангор туманида ўз қизини 35 миллион сўмга сотаётган эркак қўлга олингани ҳақида хабар берилганди.
Изоҳ (0)