MMA жангчиси Маҳмуд Муродов англиялик спортчи устидан ғалаба қозонди

Чехиянинг Брно шаҳрида аралаш якка курашлар бўйича Octagon MMA 61 турнири бўлиб ўтди.

Жанг кечасининг cо-маин эвентида ўзбекистонлик аралаш яккакураш устаси Маҳмуд Муродов баҳс олиб борди.

Ўрта вазн тоифасидаги Муродовга англиялик Скотт Аскҳем рақиблик қилди. Тўлиқ давом этган жангда Муродов очколар ҳисобига ғалаба қозонди.

Маълумот учун, Маҳмуд Муродов UFCъда 7 та жанг ўтказиб, 4 ғалаба ва 2 мағлубият қайд этган. Унинг сўнгги жанги ўтказилмаган деб топилган. Май ойида UFC Муродов билан шартномани бекор қилган. Бунга спортчининг кетма-кет жанглари бекор қилингани сабаб бўлиши мумкин.

Муродов жорий йилнинг июнь ойида Octagon MMA лигаси билан шартнома имзолади.

Аввалроқ Маҳмуд Муродов Чехияда “жамият учун хавфли” деб топилиб доимий яшаш ҳуқуқидан маҳрум қилингани хабар қилинганди.