15 сентябрь куни АҚШнинг Лас-Вегас шаҳридаги “Сфера” мажмуасида UFC 306 турнири бўлиб ўтганди.
Оқшомнинг марказий жангида грузиялик Мераб Двалишвили АҚШ вакили Шон O’Меллини очколар ҳисобига кўра енгиб, энг енгил вазн тоифасида UFC чемпионига айланганди. Иккинчи муҳим жангда қирғизистонлик Валентина Шевченко мексикалик Алекса Грассони мағлуб этиб, ўз чемпионлик камарини қайтариб олди.
Икки муҳим баҳсда қатнашган 4 нафар спортчининг барчаси миллион доллардан кўпроқ гонорарни қўлга киритди. Энг катта гонорар собиқ чемпион Шон O’Меллига тегишли бўлди — 3 миллион 242 минг АҚШ доллари.
Турнир иштирокчиларининг тахминий гонорарлари:
- Шон O’Мелли — 3 242 000 млн АҚШ доллари;
- Мераб Двалишвили — 1 432 000;
- Алекса Грассо — 1 292 000;
- Валентина Шевченко — 1 032 000;
- Брайан Ортега — 265 000;
- Норма Дюмонт — 180 000;
- Игнасио Бахамондес — 175 000;
- Ирен Алдана — 166 000;
- Диэго Лопес — 155 000;
- Эстебян Рибович — 131 000.
Аввалроқ Мераб Двалишвили нега россиялик Умар Нурмагомедовга қарши жанг қилишни истамаслигини айтганди. Унинг фикрича, Умар топ 15 даги жангчилар билан кўпроқ жанг қилиши керак.
Изоҳ (0)