Тошкент шаҳар Шайхонтоҳур туманида ўз қизи томонидан ҳайдалган ота МИБ орқали уйга киритилди. Бу ҳақда бюро ахборот хизмати “Дарё”га хабар берди.
Маълум қилинишича, бюронинг Шайхонтоҳур туман бўлими иш юритувидаги ижро варақасига асосан, аризачи А.Х.нинг жавобгари унинг қизи А.К.га яшаб турган низоли Шайхонтоҳур тумани, Чорсу мавзесидаги манзилда жойлашган хонадонга киритиш ва у ердаги ёрдам хўжаликларидан фойдаланиш ҳуқуқи белгиланган.
Мазкур иш бўйича давлат ижрочиси томонидан ота ўз хонадонига киритиб қўйилди ҳамда унинг уйдан фойдаланиш ҳуқуқи юзасидан қизига тушунтириш берилди ва ижро иши тамомланди.
Бундан аввал Тошкент шаҳар Олмазор туманида ука ўз опасидан мулк улушини МИБ орқали қайтариб олгани ҳақида хабар берилганди. Шунингдек, Қашқадарё вилоятининг Деҳқонобод туманида ака-укалар ота-онасининг моддий таъминоти учун олдиндан 5 минг доллар алимент пулларини тўлаб берган эди.
Изоҳ (0)