Америкалик миллиардер Илон Маскнинг Neuralink компанияси ҳатто туғма кўзи ожиз одамларга ҳам кўриш имконини берадиган Blindsight экспериментал кўриш имплантини ишлаб чиқди. Бу ҳақда Reuters хабар берди
Маълум қилинишича, келажакда қурилма инсон кўзи учун одатий бўлган оптик спектрдан ташқари бошқа спектрларни ҳам аниқлай оладиган бўлади. Фантастик асарлардаги ўта кучли кўриш қобилияти ҳақиқатга айланиши кутилмоқда.
Neuralink компаниясининг Blindsight қурилмаси ҳатто иккала кўзи ва оптик нервини йўқотган одамларга ҳам кўриш имкониятини беради. Агар бош миянинг кўриш пўстлоғи шикастланмаган бўлса, у ҳатто туғма ожиз бўлганларнинг ҳам кўриш қобилиятини тиклайди, дейди Маск.
Blindсигҳт импланти АҚШ озиқ-овқат ва фармацевтика идораси (FDA) томонидан илғор ишланма сифатида маъқулланган. Бу қурилмани одамларда синовдан ўтказишга йўл очади. Компания аллақачон потенциал мижозлардан аризаларни қабул қилмоқда.
Маск имплантнинг тасвир сифати дастлаб “Atari ўйин платформалари графикаси” каби паст бўлишини, аммо келажакда қурилма инфрақизил ва ултрабинафша спектрда кўриш имконини бериши, радар тўлқин узунлигини ҳам аниқлай олишини айтди.
Миллиардер Neuralink ишланмасини “Юлдузли йўл” телесериали қаҳрамони, туғма ожиз Жорди Ла Форж тақиб юрган келажакдаги қурилма билан таққослади:
Изоҳ (0)