Америкалик тадбиркор ва миллиардер Илон Маск келажакда одамлар телефонлардан фойдаланишни тўхтатиши ва мулоқот қилиш учун мия имплантлари керак бўлишини айтди. Бу ҳақда у Х ижтимоий тармоғидаги саҳифасида маълум қилди.
“Х томонидан яратилган янги телефонни фикр кучи билан бошқариш учун миянгизга Neuralink интерфейсини ўрнатган бўлармидингиз?” — деб сўралган Маскдан.
Миллиардер мазкур саволга Х ижтимоий тармоғида изоҳ қолдириб, келажакда мобил қурилмалар умуман керак бўлмаслигини айтган.
“Келажакда телефонлар бўлмайди, фақат Neuralink бўлади”, — деган у.
Илон Маск январь ойида Neuralink импланти ўрнатилган биринчи бемор ҳақида маълумот бериб, унинг аҳволи яхши эканини айтди. Кейинчалик тадбиркор қурилманинг ишлаши бўйича олинган дастлабки маълумотлар истиқболли натижаларни кўрсатганини таъкидлади.
Нуэралинк қандай компания?
Neuralink ташқи қурилмаларни фикр кучи билан бошқаришга ёрдам берадиган микрочип ишлаб чиқмоқда. У фалаж одамларнинг миясига ўрнатилганда уларга турли ҳаракатларни бажаришга ёрдам бериши керак. Компания ҳайвонлар устида кўплаб тажрибалар ўтказган. Neuralink ҳайвонларга нисбатан шафқатсизликда айбланган, унга қарши тергов бошланганди.
Изоҳ (0)