Эрон томони можароларда қатнашаётган томонларга, жумладан, Россияга қурол етказиб бермаётганини даъво қилиб, барча давлатларни бундан ўрнак олишга чақирди.
Бу ҳақда Эроннинг БМТдаги доимий ваколатхонаси баёнотида айтилади.
“Эроннинг Украинадаги можаро бўйича позицияси ўзгаришсиз қолмоқда, Эрон можарода иштирок этаётган томонларга ҳарбий ёрдам кўрсатишни ғайриинсоний деб ҳисоблайди, бу қурбонлар сонининг кўпайишига, инфратузилманинг вайрон бўлишига ва ўт очишни тўхтатиш бўйича музокаралардан узоқлашишга олиб келади”, дейди Эрон дипломатик миссияси.
“Шундай қилиб, Эрон нафақат бундай ҳаракатларда иштирок этишдан ўзини тияди, балки бошқа давлатларни можарога алоқадор томонларга қурол етказиб беришни тўхтатишга чақиради”, дейиалди баёнотда.
Аввалроқ The Wall Street Journal америкалик ва европалик мулозимларга таяниб, Эрон Россияга қисқа масофага учувчи баллистик ракеталар етказиб бергани ҳақида мақола чоп этган эди.
Изоҳ (0)