Eron tomoni mojarolarda qatnashayotgan tomonlarga, jumladan, Rossiyaga qurol yetkazib bermayotganini da’vo qilib, barcha davlatlarni bundan o‘rnak olishga chaqirdi.
Bu haqda Eronning BMTdagi doimiy vakolatxonasi bayonotida aytiladi.
“Eronning Ukrainadagi mojaro bo‘yicha pozitsiyasi o‘zgarishsiz qolmoqda, Eron mojaroda ishtirok etayotgan tomonlarga harbiy yordam ko‘rsatishni g‘ayriinsoniy deb hisoblaydi, bu qurbonlar sonining ko‘payishiga, infratuzilmaning vayron bo‘lishiga va o‘t ochishni to‘xtatish bo‘yicha muzokaralardan uzoqlashishga olib keladi”, deydi Eron diplomatik missiyasi.
“Shunday qilib, Eron nafaqat bunday harakatlarda ishtirok etishdan o‘zini tiyadi, balki boshqa davlatlarni mojaroga aloqador tomonlarga qurol yetkazib berishni to‘xtatishga chaqiradi”, deyialdi bayonotda.
Avvalroq The Wall Street Journal amerikalik va yevropalik mulozimlarga tayanib, Eron Rossiyaga qisqa masofaga uchuvchi ballistik raketalar yetkazib bergani haqida maqola chop etgan edi.
Izoh (0)