“Ўзметкомбинат” ишчисига 70 млн сўмга яқин нафақа пули ундириб берилди. Бу ҳақда Камбағалликни қисқартириш ва бандлик вазирлиги хабар берди.
Маълум қилинишича, корхона электр пайвандчиси Ҳ.Умаров 2024 йил 12 февраль куни меҳнат вазифасини бажараётганда баландликдан йиқилиб, тан жароҳати олган. Камбағалликни қисқартириш ва бандлик вазирлиги давлат меҳнат инспекцияси кўмаги билан унга меҳнат лаёқати маълум муддатга йўқотилгани юзасидан тўланиши лозим бўлган 69,3 миллион сўм нафақа пули суғурта компаниясидан ундириб берилди.
Бундан аввал Тошкент вилоятида вафот этган ходим учун тўланмаётган 340 млн сўм тўлиқ ундириб берилгани ҳақида хабар қилинганди. Корхона унинг оила аъзоларига тўланиши лозим бўлган 340 миллион сўм миқдоридаги зарар пулларини 1 йилдан ортиқ вақт давомида тўламай келган. Давлат меҳнат инспекцияси аралашуви билан ушбу сумма марҳумнинг оила аъзоларига корхонадан тўлиқ ундириб берилди.
Изоҳ (0)