“O‘zmetkombinat” ishchisiga 70 mln so‘mga yaqin nafaqa puli undirib berildi. Bu haqda Kambag‘allikni qisqartirish va bandlik vazirligi xabar berdi.
Ma’lum qilinishicha, korxona elektr payvandchisi H.Umarov 2024-yil 12-fevral kuni mehnat vazifasini bajarayotganda balandlikdan yiqilib, tan jarohati olgan. Kambag‘allikni qisqartirish va bandlik vazirligi davlat mehnat inspeksiyasi ko‘magi bilan unga mehnat layoqati ma’lum muddatga yo‘qotilgani yuzasidan to‘lanishi lozim bo‘lgan 69,3 million so‘m nafaqa puli sug‘urta kompaniyasidan undirib berildi.
Bundan avval Toshkent viloyatida vafot etgan xodim uchun to‘lanmayotgan 340 mln so‘m to‘liq undirib berilgani haqida xabar qilingandi. Korxona uning oila a’zolariga to‘lanishi lozim bo‘lgan 340 million so‘m miqdoridagi zarar pullarini 1 yildan ortiq vaqt davomida to‘lamay kelgan. Davlat mehnat inspeksiyasi aralashuvi bilan ushbu summa marhumning oila a’zolariga korxonadan to‘liq undirib berildi.
Izoh (0)