Ромео Бекҳэм футболчилик фаолиятини якунлади.
Англиялик собиқ футболчи Девид Бекҳэмнинг ўғли “Брентфорд” билан шартномаси якунига етди ва шу тариқа у буцаларини михга илишга қарор қилган. Клубнинг битимни узайтириш борасида таклифини қатъий рад этган.
The Sun нашрининг хабар беришича, 22 ёшли Ромео Париждаги Сафе Management агентлигида иш бошлаган. Кичик Бекҳэм ушбу индустриядаги фаолиятига диққатини қаратмоқчи.
Бу Девид ва Виктория Бекҳэм фарзандининг биринчи бор фаолиятини ўзгартириши эмас. Ёшлигида “Арсенал” сафидаги ўйиндан сўнг у футболни теннисга ўзгартирган. Бироқ 2020 йилда яна футболга қайтиб, отасига тегишли бўлган “Интер Майами” билан битим имзолаган.
Ромео Америка клуби сафида 26 та ўйин ўтказган ва 2 та гол ҳамда 10 та голли узатмага муаллифлик қилган. 2023 йил январь ойида эса ижара асосида “Брентфорд” сафига ўтган.
Изоҳ (0)