Андижон вилояти Бўстон туманида алиментдан қарзи бор ота қурилиш учун тайёрлаб қўйган қопдаги цементларининг бир қисмидан айрилди. Бу ҳақда МИБ “Дарё”га маълум қилди.
“Бўстон туманида яшовчи М.С. суд ҳужжатига кўра бир нафар фарзанди таъминоти учун Ю.Т. фойдасига алимент тўлаб бориши белгиланса-да, тўловларга бефарқлик билан қараб келган.
Йиғилиб қолган 7,4 млн сўм алимент қарздорлигини ундириш мақсадида қарздорнинг яшаш манзилига борилганда, уйида қурилиш қилиш мақсадида 2 тоннадан зиёд цемент маҳсулоти олиб қўйгани аниқланди.
Ижро ҳаракатлари давомида бир фарзанди учун алимент тўлашдан бўйин товлаб юрган отанинг 41 қоп цементи тегишлича хатлаб қўйилди”, дейилади хабарда.
Аввалроқ Андижон вилояти Хўжаобод туманида яшовчи эркак собиқ турмуш ўртоқларига алимент тўламагани учун Cobalt автомашинаси хатлангани ҳақида хабар берилганди.
Шунингдек, Тошкентда яшовчи эркак алимент учун 818 миллион сўм миқдорида тўловни амалга оширгани маълум қилинган.
У битта уй, Spark автотранспорт воситаси ва 2 минг АҚШ долларини собиқ турмуш ўртоғига алимент ўрнида тақдим қилган.
Изоҳ (0)