Турк сериалларини кўплаб томошабинлар яхши кўради. Лойиҳаларда иштирок этган актрисалар чиройли ташқи кўринишга эга бўлади: сиз бир неча соат давомида ҳашаматли либослар ва заргарлик буюмларига қарашни истайсиз. Актрисалар қизил йўлак учун ҳам мукаммал образни танлашга ҳаракат қилади. Wday нашри машҳур турк актрисалари кундалик ҳаётда қандай кийиниши ҳақида маълумот берди.
Мерем Узерли
Актриса «Муҳташам юз йил» сериалида саройга келган канизак Роксолана ролини ижро этди, у кейинчалик Султон Сулаймоннинг рафиқасига айланди. Мерем тез-тез ташриф буюрмайдиган қизил йўлакда ажойиб кўринишга эга бўлади. Актрисанинг бу образлари Хуррам Султонникидан қолишмайди.
Мерем саҳна ортида қулайликни афзал кўрган меҳрибон она. У кундалик ҳаётида ясси пойабзал, жинси шимлар ва қулай блузка ёки свитер кийишни маъқул кўради. Шунингдек, бу кийимларни оилавий сайрларда ҳам кийса бўлади.
Ханде Эрчел
«Эшигимни қоқ» сериали юлдузи Ханде Эрчел кундалик ҳаётда палаззо ва клёш шимларни кийишни яхши кўради. У шунингдек, эркин услублар ва массив пойабзалларни танлайди. Актрисанинг ҳар бир образида кийимни янада қулайроқ қиладиган деталь мавжуд — масалан, у кенг пиджакларни кияди.
Ханде кийиниш услубида оқ ва қора рангдаги кийим ва аксессуарлардан фойдаланишни маъқул кўради. У бундай образларида урғуни тақинчоқларга беради. Актриса табиий макияж ва узун ёйилган сочларни афзал кўради.
Неслиҳан Атагул
Актриса «Севги изтироби» сериалидаги ҳашаматда яшашга ўрганиб қолган бизнесменнинг қизи ролини ўйнайди. Унинг сериалдаги қаҳрамони ажойиб либослар, қимматбаҳо тақинчоқлар ва пойабзаллардан фойдаланади, актриса эса ўзи яратган образга умуман ўхшамайди.
Актриса кундалик ҳаётда катта свитерлар, жинси шимлар ва леггингслар, текис пойабзал кийишни маъқул кўради. Неслиҳан Атагулнинг гардероби қаймоқранг кул ранг спорт кийимларидан иборат.
Демет Ўздемир
Актриса Демет Ўздемир «Эрта келган қуш» ва «Қулупнай ҳиди» сериалидаги роллари билан танилган. Унинг гардеробида ҳар қандай дидга мос: бандо, ҳалтер, енгли ва енгсиз устки кийимлар мавжуд. Демет кундалик ҳаётда мини юбкалар ва кўйлакларни яхши кўради, бу ажабланарли эмас — ушбу кийимлар унинг қоматини мукаммал кўрсатади.
Актриса стилеттоларни фақат ижтимоий тадбирлар учун кияди. У кундалик ҳаётда катта платформали кроссовкалар ва Челси этикларини афзал кўради.
Ҳазал Фелиз Кучуккосе
Туркиялик актриса Ҳазал Фелиз «Севги изтироби» сериалидаги Зейнеп роли билан томошабинлар қалбидан жой олди. Актриса ҳаётда турк мода оламининг таниқли вакили ҳисобланади. Ҳазал экспериментлардан қўрқмайди — у турли хил рангларни моҳирлик билан танлайди ва либосларни бир-бири билан уйғунлаштиради. Актриса ўзининг образига замонавий деталларни қўшади ва турли хил услубдаги нарсаларни бирлаштиради.
Мелиса Памук
Фаҳрие Эвжен
Нур Феттаҳўғлу
Мавзуга доир:
- Томошабинлар меҳрига сазовор бўлган энг гўзал турк актрисалари (фото).
- Марям Узерли, Фаҳрие Эвжен ва бошқа турк актрисалари қандай уйларда яшайди? (фото).
- Ҳанде Эрчел, Фаҳрие Эвжен ва вазн йўқотиб, таниб бўлмас даражада ўзгарган бошқа турк актрисалари (фото).
- Сериалларда бирга суратга тушган бўлса-да, саҳна ортида бир-бирини кўрарга кўзи йўқ турк актёр ва актрисалари (фото).
Изоҳ (0)