“Ҳудудий электр тармоқлари” АЖ томонидан ҲЕТ Billing дастурий комплекси ишга туширилгани ҳақида аввал хабар берилганди.
Шу муносабат билан жамиятнинг расмий сайтидаги такомиллаштирилган “Шахсий кабинет”га кириш ва рўйхатдан ўтиш хусусида видеоқўлланма тайёрланиб, истеъмолчилар эътиборига ҳавола этилган эди.
Куни кеча истеъмолчиларга янада қулайлик яратиш мақсадида ҲЕТ Billing дастурий комплекси жорий этилиши доирасида жамиятнинг мобил иловаси ҳам ишга туширилди.
Сўнгги кунларда кўпчилик истеъмолчиларда “Шахсий кабинет” ҳамда мобил иловага киришда қийинчиликлар бўлаётгани тўғрисида хабарлар тарқалди. Шу сабабли “Ҳудудий электр тармоқлари” аксионерлик жамияти тизимдан фойдаланувчилар эътибор бериши лозим бўлган баъзи кўрсатмаларни эслатиб ўтди.
![](/static/2024/08/16/sch-LGC8my8D.jpg)
Хусусан, кабинет ва иловадан фойдаланишда парол ва логин орқали кираётган истеъмолчининг телефон рақами, биллинг тизимида фуқаронинг шахсий ҳисоб рақами орқали рўйхатдан ўтган бўлиши шартлиги таъкидланди.
Оnе ID орқали фойдаланмоқчи бўлган фуқаролар Ягона идентификация тизими маълумотлари биллинг тизими маълумотлари билан айнан бир хил бўлишига эътибор беришлари лозим. Акс ҳолда, тизимга киришда чекланишлар юзага келади.
“Шахсга доир маълумотлар тўғрисида”ги Қонунга мувофиқ, истеъмолчилар телефон рақамини биллинг тизимида ҳисоб рақами орқали рўйхатдан ўтказиш ёки алмаштириш учун шахсан ўзлари туман электр таъминоти корхонасига келишлари талаб этилади”, дея қайд этган “Ҳудудий электр тармоқлари” АЖ.
Изоҳ (0)