Японияда кучли зилзила хавфи ҳақидаги огоҳлантиришлардан сўнг беш кун ичида Токиодаги пештахталардан гуруч ва минерал сувлар аста-секин йўқолди.
Энг кенг тарқалган гуруч навлари тезда сотилиб кетган, фақатгина оддий гуручдан анча қиммат бўлган ишлов берилмаган жигарранг гуручлар қолгани хабар қилинмоқда.
Минерал сувлар сотиладиган бўлимда эса “Оммавий ахборот воситаларида кучли зилзила содир бўлиши мумкинлиги ҳақидаги маълумотларнинг таъсири туфайли тугаб қолган”и ҳақидаги ёзувлар осиб қўйилган.
Шу билан бирга, дўконларда харидорлар одатда камдан кам ҳолларда сотиб оладиган маҳсулотлар кўзга ташланадиган жойларга қўйилган.
8 август куни Тинч океанидаги Хюга-Нада денгизидаги Кюсю жануби-шарқий соҳилида 7,1 магнитудали зилзила юз берди. Бир неча соат ўтгач, Япония бош метеорология агентлигининг эксперт гуруҳи Тинч океанининг туби бўйлаб Япониянинг Шидзуока префектурасидан Сикоку ва Кюшу оролларигача чўзилган Нанкай ёриғида кучли зилзила хавфи ортиши ҳақида маълум қилди.
Изоҳ (0)