Қирғизистон 2024 йилнинг биринчи олти ойида Ўзбекистонга картошка экспортини икки баравар оширди. Бу ҳақда миллий статистика қўмитасига таяниб, “Tazabek.kg” хабар берди.
Қирғизистон январь—июнь ойларида Ўзбекистонга 2,8 миллион долларга 26,5 минг тоннадан ортиқ картошка экспорт қилди. ( 1 килограмм картошка нархи 1300 сўмдан зиёдга тўғри келмоқда). Бу ўтган йилнинг шу даврига нисбатан икки баравар кўп. Ўшанда 1,3 миллион долларга 12 минг тонна картошка экспорт қилинганди.
Ушбу ўсиш натижасида Қирғизистоннинг картошка етказиб беришдаги умумий ҳажми ҳам 1,6 баробарга ошди. 2024 йилнинг биринчи ярмидаги асосий экспорт йўналишлари қуйидагилар:
- Ўзбекистон — 26 585 тонна, 2,86 млн доллар (ўтган йил: 12 829 тонна, 1,33 млн доллар);
- Қозоғистон — 5 232 тонна, 1,36 млн доллар (ўтган йил: 3 407 тонна, 1,26 млн доллар);
- Россия— 180 тонна, 67,7 минг доллар (ўтган йил: 298 тонна, 125,8 минг доллар);
- Озарбайжон — 24,2 тонна, 3 минг доллар (ўтган йил: 21,5 тонна, 18,4 минг доллар).
Изоҳ (0)