Ўзбекистонда ҳафта давомида ҳарорат аста-секин кўтарилади

Ўзбекистонда душанбадан салқин ҳаво чекина бошлайди, деб хабар бермоқда “Ўзгидромет”.

Дам олиш кунларида Ўзбекистон ҳудудига салқин ҳаво кириб келиб, республика ҳудудининг катта қисмида ҳарорат 8-10 даражагача пасайганди. Прогнозларга кўра, 19 август, душанба кунидан бошлаб ҳаво ҳарорати аста-секин кўтарилади, лекин иш ҳафтасининг охиригача нисбатан қулай бўлади. Кундуз кунлари ҳаво 30-35 даражагача, баъзи жойларда 37 даражагача исийди.

Ушбу кунларда асосан кам булутли об-ҳаво бўлиши кутилмоқда.

Шарқий йўналишдаги шамол 7-12 метр/секунд тезликда эсади, жанубда ва чўл ҳудудларнинг баъзи жойларида 13-18 метр/секундгача кучайиши, айрим жойларда чанг-тўзон билан кузатилиши мумкин.

Тошкентда ҳаво кам булутли бўлади. Шамол 3-8 метр/секунд тезликда эсади. Ҳарорат асосан кечалари 18-21 даража, кундуз кунлари 32-35 даража бўлади.