Qirg‘iziston 2024-yilning birinchi olti oyida O‘zbekistonga kartoshka eksportini ikki baravar oshirdi. Bu haqda milliy statistika qo‘mitasiga tayanib, “Tazabek.kg” xabar berdi.
Qirg‘iziston yanvar—iyun oylarida O‘zbekistonga 2,8 million dollarga 26,5 ming tonnadan ortiq kartoshka eksport qildi. ( 1 kilogramm kartoshka narxi 1300 so‘mdan ziyodga to‘g‘ri kelmoqda). Bu o‘tgan yilning shu davriga nisbatan ikki baravar ko‘p. O‘shanda 1,3 million dollarga 12 ming tonna kartoshka eksport qilingandi.
Ushbu o‘sish natijasida Qirg‘izistonning kartoshka yetkazib berishdagi umumiy hajmi ham 1,6 barobarga oshdi. 2024-yilning birinchi yarmidagi asosiy eksport yo‘nalishlari quyidagilar:
- O‘zbekiston — 26 585 tonna, 2,86 mln dollar (o‘tgan yil: 12 829 tonna, 1,33 mln dollar);
- Qozog‘iston — 5 232 tonna, 1,36 mln dollar (o‘tgan yil: 3 407 tonna, 1,26 mln dollar);
- Rossiya— 180 tonna, 67,7 ming dollar (o‘tgan yil: 298 tonna, 125,8 ming dollar);
- Ozarbayjon — 24,2 tonna, 3 ming dollar (o‘tgan yil: 21,5 tonna, 18,4 ming dollar).
Izoh (0)