Исроил ҳужумлари оқибатида Ғазода ҳалок бўлганлар сони 40 минг кишидан ошиб кетди. Бу ҳақда Al Jazeera хабар берди.
Маълумотларга кўра, ҳужум оқибатида 92 401 киши яраланган ва аҳолининг 85 фоиздан ортиғи ўз уйларидан кўчирилган. Қурбонлар орасида 16 500 га яқини болалардир, бундан ташқари 10 мингдан ортиқ одам бедарак йўқолган.
Жами ўлимлар сони:
- Ғазода ҳалок бўлган фаластинликлар: камида 40 005 нафар
- Исроилда ҳалок бўлганлар: 1200 га яқин
- Ғарбий Соҳилда ҳалок бўлган фаластинликлар: 623 нафар
- Ливанда ҳалок бўлганлар: тахминан 530 киши
Фаластинликлар яқинларини дафн этиш учун жой топишга қийналмоқда
Ҳужумлардан қочиш учун бир неча оилалар жасадларни иложи борича орқа ҳовлиларда, автотураргоҳларда, зинапоялар остида ва йўл четларида кўмган. Қабристонларда жой топиш қийин, гўрковлар кўпинча жасадларнинг доимий оқимини қабул қилиш учун устма-уст кўмади.
Жасад шахси номаълум қолса, ишчилар қабр устига дафн этилган сана, шахснинг рақами ва жасад қаерда топилгани кўрсатилган пластик плакат ўрнатади. Bellingcat тергов агентлиги томонидан таҳлил қилинган сунъий йўлдош тасвирларига кўра, уруш пайтида Исроил ҳарбийлари 20 дан ортиқ қабристонни қазиб, ҳайдаб ташлаган ва бомбардимон қилган.
Изоҳ (0)