Париж Олимпиадасида иштирок этган қозоғистонлик спортчиларда COVID-19 аниқланди. Бу ҳақда президент матбуот котиби Берик Уали маълум қилди.
Қозоғистон президенти Қосим-Жўмарт Тўқаев 2024 йилги Олимпиадада совринли ўринларни қўлга киритган спортчи ва мураббийларни давлат мукофотлари билан тақдирлаган. Сиёсатчи улар билан учрашишни режалаштирилган. Бироқ уларнинг айримлари коронавирусга чалингани маълум бўлган.
“Афсуски, айрим спортчилар ва тренераларда ковид аниқланди, шу сабабли учрашувни кейинга қолдиришга тўғри келди. Спортчиларимизга тезроқ соғайиб кетишни тилаймиз”, дейди Тўқаевнинг матбуот котиби.
Унинг сўзларига кўра, спортчиларнинг президент билан учрашуви август ойи охирида Оқўрдада ўтказилиши режалаштирилган ва албатта бўлиб ўтади.
“Жамоамизнинг 3 нафар совриндори ва 2 нафар мураббийсида COVID-19 аниқланди. Уларнинг ПЗР-тести ижобий натижа берди. Учала спортчи ҳам Париж Олимпиадаси совриндорлари. Айни пайтда улар изоляция қилинган. Даволанишмоқда, касаллик енгил кечмоқда”, дейди туризм ва спорт вазирининг жамоатчилик ва оммавий ахборот воситалари билан алоқалар бўйича маслаҳатчиси Диас Ахмецҳарип.
Изоҳ (0)