Британиялик журналист Тейлор O’Ҳиггинс Париждаги Олимпиада ўйинларининг чорак финалида Ўзбекистон терма жамоаси боксчиси Абдуллаевнинг жанги натижасидан норози бўлди. Бу ҳақда у Х (собиқ Twitter) ижтимоий тармоғида ёзиб қолдирди.
-Ymyh_TTJ.jpg)
Вазни 63,5 килограммгача бўлган боксчилар ярим финали учун кечган жангда Абдуллаев канадалик Уайтт Сенфордга ютқазиб қўйди – 1:4. Ҳакамлар фақатгина биринчи раундда ўзбекистонлик спортчининг ғалабасини эътироф этди.
“Абдуллаев—Сенфорд жангидаги очколар ҳисобланиши мутлақо кулгили ҳол. Ўзбекистонлик дастлабки икки раундда яққол етакчилик қилди, бироқ учинчи раундга келиб кучлар тенглашди, унда Сенфорд яхшироқ кўринди ва натижада ғалабани “юлиб” олди.
Мен бу спортни тарк этаман. Бу менинг ҳаваскор боксдаги сўнгги йилим бўлади. Сармоя киритишга арзимайдиган жуда кўп бемаъниликлар содир бўлмоқда”, деб ёзди ғазабланган O’Ҳиггинс.
Эслатиб ўтамиз, 1/2 финалга чиққани эвазига Уайтт Сенфорд 2024 йилги Олимпиада ўйинларида медал кафолатлади: спортчи мағлуб бўлган тақдирда ҳам бронза олади.
Изоҳ (0)