Қўшма Штатлар Грузияга Анаклия портини қуришда Хитой билан ҳамкорлик қилмаслик талабини қўймоқда.
“Сакартвело хроникалари” нашрига кўра, бу Евроатлантика йўлига “қайтиш”нинг шартларидан биридир.
Аввалроқ АҚШ давлат котиби ёрдамчи-ўринбосари Жошуа Ҳак Грузиянинг хитойлик ҳамкорларини танқид қилган эди. Давлат котиби ёрдамчиси Жеймс O’Брайен Сенатнинг ташқи алоқалар қўмитаси минбаридан “Грузия орзуси”га мурожаат қилган.
“Грузиянинг ҳукмрон партиясига ортга йўл борлиги аниқ бўлиши керак. Фуқаролик жамиятида эркин ва адолатли сайловлар зўравонликсиз ўтиши, ҳар қандай ошкоралик қонуни Россия қонунчилигига эмас, Европа Иттифоқи қонунларига мувофиқлаштирилиши лозим. Хитойнинг Анаклияда чуқур денгиз портини қуришига йўл қўймаслик лозим. Бу қадамлар бугунги кунда Грузия учун ҳақиқатдан ҳам муҳим”, дея америкалик сиёсатчининг сўзларини келтиради нашр.
Аввалроқ Аmеrican Cоnti International LLC ушбу порт қурилиши учун 400 миллион доллар жалб этиш бўйича ўз мажбуриятларини бажара олмаган ва Грузия расмийлари аъзо бўлган консорсиум билан шартномани бекор қилганди.
Изоҳ (0)