Латвия собиқ ички ишлар вазири Марис Гулбис Белaрусь раҳбари Александр Лукашенко билан яширин музокаралар ўтказиш таклифи билан чиқди, дея BАLTNЕWS хабар берди.
Хабарга кўра, собиқ амалдор Болтиқбўйида ноқонуний миграция билан боғлиқ инқирозни ҳал қилиш бир шахсга – Беларусь президенти Александр Лукашенкога боғлиқлигини айтган. Шу сабабли Лукашенко билан келишувга эришишга ҳаракат қилиш кераклигини таъкидлаган.
“Менимча, биз Лукашенкога дипломатларимиздан иборат махфий делегацияни жўнатишимиз ва шунчаки сўрашимиз керак: Александр, сенга нима керак? Аввало, сиз унга Латвия ва Болтиқбўйи мамлакатлари бу муҳожирлар оқимидан манфаатдор эмаслигини тушунтиришингиз керак”, дея Гулбиснинг сўзларини келтиради нашр.
Аввалроқ Латвия ҳукумати ноқонуний муҳожирлар оқими сабаб Беларусь билан чегарадош ҳудудларда фавқулодда ҳолат жорий этган ва чегарани қўриқлаш учун армия бўлинмаларини жалб қилган эди. Республика ҳукумати Беларусь томонини “Европа Иттифоқига миграция босимини яратишда” айблаган, улар Минскда Риганинг бу тезисларини асоссиз деб атаган.
31 июль куни Рига Белорус билан чегарада ҳимоя тўсиқлари қурилишини якунлаганини эълон қилганди. Таъкидланишича, чегара тўсиқларидан ташқари, расмийлар Латвия—Беларусь чегарасида инфратузилмани ривожлантириши керак бўлади ва лойиҳанинг умумий қиймати 125 миллион евродан ошади.
Июль ойида Лукашенко визасиз режимни жорий этиш қарорини эълон қилган. Мазкур қарор Европанинг 35 мамлакати фуқаролари учун амал қилиб, 19 июлдан бошлаб улар Беларусь ҳудудига визасиз киришлари ва қолишлари мумкин.
Изоҳ (0)