Фаластиннинг ҲАМАС гуруҳи етакчиси Исмоил Ҳания ва Ливандаги “Ҳизбуллоҳ” ҳаракати қўмондони ўлдирилиши ортидан минтақадаги вазият кескинлашгани фонида АҚШ ҳарбий-денгиз кучлари Шарқий Ўрта Ер денгизи ва Форс кўрфазида 12 та ҳарбий кемани шай ҳолатга келтирди.
Бу ҳақда The Washington Post Пентагон вакилига таяниб хабар берди.
![](/static/2024/08/01/aqsh-IYxldc88.jpg)
USS Теодор Рузвельт ядровий авиаташувчи олтита кемаси билан Форс кўрфазининг жанубида Эрон қирғоқлари яқинида жойлашган. Кемалар у ерга Қизил денгиздан йўналтирилган бўлиб, улар илгари савдо кемаларига ҳусийларнинг ҳужумларига қаршилик кўрсатиб турган.
Исроил яқинидаги Шарқий Ўрта Ер денгизида АҚШ ҳарбий-денгиз кучларининг амфибия қўниш гуруҳи бешинчи авлод F-35 Lightning II қирувчи самолётлари, USS Оаk Hill амфибия доки ва USS Wasp универсал десант кемаси жойлашган.
Кемаларда 24-денгиз экспедицион батальони бор. Унинг таркиби икки минг денгиз пиёдасидан иборат.
Бундан ташқари, Американинг иккита бошқариладиган ракета эсминеци Ўрта Ер денгизи шарқида оператив вазифаларни бажармоқда.
Изоҳ (0)