Бухорода сув насосини ўзбошимчалик билан тармоққа улаган МЧЖ 345 миллион сўмлик электр энергиясидан ноқонуний фойдалангани аниқланди. Бу ҳақда “Ўзэнергоинспекция” хабар берди.
Унга кўра, “Ўзэнергоинспекция” Бухоро вилояти ҳудудий бошқармаси ва Бош прокуратура ҳузуридаги департамент билан ҳамкорликда ўтказилган назорат тадбирида Шофиркон туманида жойлашган “Ш.Ҳ.Г.С.С.” МЧЖга қарашли бўлган сув насосларини ўзбошимчалик билан тармоққа улаб, электр энергиясидан ноқонуний фойдалангани аниқланди.
Ушбу қоидабузарликлар натижасида давлат манфаатларига 345 миллион сўмлик зарар етказилгани маълум бўлди.
Мазкур ҳолатлар юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.
Аввалроқ Жиззах вилояти Зомин туманида электрдан ноқонуний фойдаланган фермер хўжалиги масъуллари давлатга 200 миллион сўмдан зиёд зарар етказган эди.
Шунингдек, Наманган вилояти Уйчи туманида электрдан ноқонуний фойдаланган фермер хўжалиги раҳбари давлатга 200 миллион сўм зарар етказгани хабар қилинганди.
Изоҳ (0)