Buxoroda suv nasosini o‘zboshimchalik bilan tarmoqqa ulagan MCHJ 345 million so‘mlik elektr energiyasidan noqonuniy foydalangani aniqlandi. Bu haqda “O‘zenergoinspeksiya” xabar berdi.
Unga ko‘ra, “O‘zenergoinspeksiya” Buxoro viloyati hududiy boshqarmasi va Bosh prokuratura huzuridagi departament bilan hamkorlikda o‘tkazilgan nazorat tadbirida Shofirkon tumanida joylashgan “SH.H.G.S.S.” MCHJga qarashli bo‘lgan suv nasoslarini o‘zboshimchalik bilan tarmoqqa ulab, elektr energiyasidan noqonuniy foydalangani aniqlandi.
Ushbu qoidabuzarliklar natijasida davlat manfaatlariga 345 million so‘mlik zarar yetkazilgani ma’lum bo‘ldi.
Mazkur holatlar yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.
Avvalroq Jizzax viloyati Zomin tumanida elektrdan noqonuniy foydalangan fermer xo‘jaligi mas’ullari davlatga 200 million so‘mdan ziyod zarar yetkazgan edi.
Shuningdek, Namangan viloyati Uychi tumanida elektrdan noqonuniy foydalangan fermer xo‘jaligi rahbari davlatga 200 million so‘m zarar yetkazgani xabar qilingandi.
Izoh (0)