Сирдарё вилояти Гулистон туманида 14 ёшли қиз бедарак йўқолгани ҳақида хабар берилганди. Вилоят ИИБнинг “Дарё”га хабар қилишича, қиз топилди.
Гулистон тумани, “Мевазор” маҳалласи, Саховат кўчаси, 15-уйда яшаган, 2010 йилда туғилган Шуҳратжонова Заҳро яшаш хонадонидан номаълум томонга чиқиб кетиб, бедарак йўқолган.
Жиноят қидирув ходимлари томонидан олиб борилган тезкор-қидирув тадбирлари натижасида бедарак йўқолган Шухратжонова Заҳро Рустам қизи Тошкент шаҳри ҳудудида экани аниқланиб, ходимлар томонидан соғ-саломат топилди.
Аввалроқ Жиззахда бедарак йўқолган аёл ва унинг фарзандлари уч ойдан сўнг топилган эди. Маълум қилинишича, аёл эри унга кун бермаганини айтиб, фарзандларини олиб кетганини билдирган. У фарзандлари билан ўзи билмаган ҳолда Самарқанд вилоятига кетиб қолганини ва у ерда нотаниш одамларнинг фермер хўжалигида ишлаб юрганини маълум қилганди.
Изоҳ (0)