Франциянинг Париж шаҳрида ёзги Олимпиада баҳсларида бокс мусобақалари ҳам давом этмоқда.
-57 кг вазн тоифасида ўзбекистонлик боксчи Ситора Турдибекова конголик Марселат Сакоби Матсҳуга қарши рингга кўтарилди.
Биринчи раунд 1:4 ҳисобида конголик боксчи ҳисобига ёзилди. Иккинчи раундда эса Ситора фаолликни қайтарди ва 5:0 ҳисобида устун келди. Учинчи раунд ҳам ўзбекистонлик боксчининг фойдасига ҳал бўлди ва Ситора Турдибекова кейинги босқичга йўл олди.
Энди у 2 август куни икки карра жаҳон чемпиони, хитой таипейилик Ю-Тинг Линга қарши чорак финал йўлланмаси учун жанг қилади.
Маълумот учун, Турдибекова 2002 йил 20 май куни Самарқанд вилояти Булунғур туманида таваллуд топган.
Ситора 2021 йил катталар ўртасидаги Осиё чемпионатида олтин медални қўлга киритган. 2022 йил Тошкентда ўтган У-22 қитъа биринчилигида бронза, 2023 йил Бангкок мездонлик қилган айни шу тоифадаги чемпионатда эса кумуш медал соҳибига айланган. Кўрсатган натижалари эвазига “Шуҳрат” медали билан тақдирланган.
Изоҳ (0)