Қирғизистонга Ўзбекистон ҳудудидан ноқонуний атиргул олиб ўтилишига чек қўйилди. Бу ҳақда АКI Press нашри хабар берди.
Манбада айтилишича, воқеа ҳақида Ўш божхона хизмати хабар берган. Ўш шаҳрига кириш божхона пунктида 3000 донадан ортиқ атиргул олиб ўтишга уринган шахс тўхтатиб қолингани хабар қилинган.
Давлат божхона хизмати ушбу хабарни тасдиқлаб, ҳолат қўшимча равишда ўрганилаётганини билдирган. Ноқонуний товарларни олиб ўтишга уринган фуқарони шахси аниқлаштирилиб, ҳужжатлари текширилган.
Чегарада тўхтатилган шахс Қирғизистон фуқароси бўлган. У 11 июль куни ўзининг Mercedes-Benz Sprinter 211 русумли автомобилида ноқонуний товар олиб ўтишга уринган.
Автомашина ичи текширилганда топилган гулларнинг умумий сони 3240 дона бўлган. Ҳайдовчи гулларни Наманган вилояти ҳудудидан олиб келганини айтган.
Гуллар ҳеч қандай тасдиқловчи ва божхона ҳужжатларисиз ташилган. Мусодара қилинган гулларнинг ўртача бозор нархи 156 600 қирғиз сўми (ўзбек валютасида қаийб 23 млн сўм)ни ташкил этган.
Изоҳ (0)