Супер ўрта вазн тоифасида WBA йўналиши бўйича жаҳон чемпиони Исроил Мадримов агар Теренс Кроуфорд билан жангда ғалаба қозонса, супер ўрта вазн тоифасида мутлоқ чемпион Сауль Алваресга қарши жанг ўтказишни мақсад қилган, деб ёзади “Sports.kz”.
“Ҳар бир инсоннинг орзуси энг буюк жангчилар билан учрашишдир. Ҳозир бор эътиборимни олдимдаги вазифага қаратганман, яъни Теренс Кроуфордга.
Мен одамларнинг Кроуфорд — Канело жанги ҳақида гапиришганларини кўп эшитганман. Балки Мадримов — Канело қарама қаршилиги ҳақида гапириш вақти ҳам келгандир. Кроуфордни мағлуб этганимдан кейин мен катта жангларда иштирок этиш йўлларини қидираман. Канело билан жанг бу мен учун ажойиб имконият. Мен бу жанг Кроуфорддан кейин бўлишини истардим”, деди Ўзбекистон вакили
Мадримов—Кроуфорд чемпионлик жанги 3 август куни Лос-Анжелесда бўлиб ўтади.
Маълумот учун, Мадримов 8 март оқшомида Саудия Арабистонининг Ар-Риёд шаҳрида россиялик Магомед Курбановни 5-раундда нокаутга учратиб, WBA камарини қўлга киритганди.
Изоҳ (0)