Super o‘rta vazn toifasida WBA yo‘nalishi bo‘yicha jahon chempioni Isroil Madrimov agar Terens Krouford bilan jangda g‘alaba qozonsa, super o‘rta vazn toifasida mutloq chempion Saul Alvaresga qarshi jang o‘tkazishni maqsad qilgan, deb yozadi “Sports.kz”.
“Har bir insonning orzusi eng buyuk jangchilar bilan uchrashishdir. Hozir bor e’tiborimni oldimdagi vazifaga qaratganman, ya’ni Terens Kroufordga.
Men odamlarning Krouford — Kanelo jangi haqida gapirishganlarini ko‘p eshitganman. Balki Madrimov — Kanelo qarama qarshiligi haqida gapirish vaqti ham kelgandir. Kroufordni mag‘lub etganimdan keyin men katta janglarda ishtirok etish yo‘llarini qidiraman. Kanelo bilan jang bu men uchun ajoyib imkoniyat. Men bu jang Krouforddan keyin bo‘lishini istardim”, dedi O‘zbekiston vakili
Madrimov—Krouford chempionlik jangi 3-avgust kuni Los-Anjelesda bo‘lib o‘tadi.
Ma’lumot uchun, Madrimov 8-mart oqshomida Saudiya Arabistonining Ar-Riyod shahrida rossiyalik Magomed Kurbanovni 5-raundda nokautga uchratib, WBA kamarini qo‘lga kiritgandi.
Izoh (0)