Қўқон аэропортидан 15 июлдан бошлаб Тошкент, Самарқанд ва Бухорога парвозлар йўлга қўйилади. Бу ҳақда 12 июль куни Фарғона вилоятида президент раислигида бўлиб ўтган йиғилишда маълум қилинганди.
-Si6srw-C-z4GheVcA.jpg)
Мазкур аэропорт 1977 йилда қурилган бўлиб, яқин йўналишларга парвозлар амалга оширилган. Кейинчалик фақат ҳарбий ҳаво кучлари томонидан фойдаланилган. Модернизация натижасида 2024 йил март ойида ушбу аэропорт янгидан очилди ва ушбу аэропортга биринчи техник парвоз амалга оширилди. 11 июль куни Ўзбекистон президенти самолёти илк бор бу ерга қўнди.
Вилоят аэропортида учиш-қўниш йўлаги 2000 метргача узайтирилган ҳамда А320 ва АТР72-600 русумли самолётлар учун иккита тўхташ жойига эга перрон реконструкция қилинган. Шунингдек, аэропортда 100 кишига мўлжалланган 900 квадрат метр майдонли янги йўловчи терминали қурилган.
Йиғилишда президент Қўқон аэропортидан Тошкентга ҳар куни, Самарқанд, Бухоро ва воҳа шаҳарларига эса ҳар ҳафта авиақатновни йўлга қўйиш бўйича топшириқ берганди.
Давлат раҳбари энди бу аэропорт халққа манфаат келтириши кераклигини таъкидлаганди. Бунинг учун нарх ва хизматларни одамларга қулай қилиб, парвозларни кўпайтириш бўйича кўрсатмалар берилди. Ички туризм имкониятларидан фойдаланиш яхши самара бериши, халқаро рейсларни ҳам йўлга қўйиш мумкинлиги айтилди.
Изоҳ (0)