Перуда археологлар 4 минг йиллик ибодатхона ҳамда театр қолдиқларини аниқлашга муваффақ бўлишди. Бу ҳақда CNN нашри хабар берди.
Янги топилган объект дунёга машҳур Мачу-Пикчу обидасидан 3500 йилга қадимийроқ. Шу билан биргаликда ибодатхона топилиши ибтидоий даврлардаги Жанубий Америка халқлари ҳақида жанги фаразларни келтириб чиқаради.
Топилмаларнинг ўзига хос томони шундаки, у минтақадаги қадимий динлар ва уларнинг келиб чиқиши ҳақида маълумот беради. Нисбатан кам ўрганилган Анд платоси ҳақида янги талқинлар пайдо бўлишига олиб келади.
Археологлар жамоаси июнь ойида Ла Отра Банда, Серро Лас Анимас манзилгоҳларида қазишма ишларини бошлаган. Маҳаллий камёб топилмалар асосида тарихий объектларни топишга киришилган.
Тадқиқот ҳудудида узунлиги тахминан 33 фут ва кенглиги 30 фут бўлган ўра қазилган. Қазиш давомида 6 фут чуқурликдан қадимий иншоот деворлари топилган.
“Бу қадимий тузилмаларнинг ер юзасига шунчалик яқин бўлгани ҳайратланарли эди”, — деган археологлар жамоасини бошқарган музей тадқиқотчиси Луис Муро Инонян.
Энг қизиқарли топилмалардан бири саҳнага ўхшаш платформага олиб борадиган, зинапояли “кичик театр” бўлган.
Театр зинапояларидан бири мифологик қушга ўхшаш жонзотнинг ўймакор тасвири ва лойдан ясалган панеллар билан қопланган. Шакл милоддан аввалги 2-мингйилликка алоқадорлиги тахмин қилинган.
“Биз Анд тоғларида қандай шароитда мураккаб эътиқод тизимлари пайдо бўлганлиги ҳақида ҳали жуда кам маълумотга эгамиз ва ҳозир бизда дунёнинг бу қисмида одамлар яратган энг қадимги диний масканлар ҳақида далиллар мавжуд”, — дейилади археологлар жамоаси баёнотида.
- Маълумот ўрнида, ҳозирга қадар Марказий Анд тизмасидаги Мачу-Пикчу ёдгорлиги энг қадимий маданият ўчоқларидан бири сифатида оммага маълум.
- Ёдгорлик бундан 3500 йил олдин Инка империяси томонидан асос солинган. Сўнгги топилма Мачу-Пикчудан қадимийроқ бўлган маданий мерос объектини дунёга таништирди.
Изоҳ (0)